98 comments
يجب أنت تكون مسجل الدخول لتضيف تعليقاً.
سله مشترياتى
è نفخربالتعاون مع
الاف المنازل و الشركات لجعل حوائطهم اجمل
- اكثر من 30150 تابلوه مودرن
- الجاليرى مغلق مؤقتا للتجديد
- اتصال / واتس اب : 01158589856
منتجاتنا
المساعدة
- سفير آرت علامة تجارية مسجلة 1987-2024
- حقوق جميع التصميمات محفوظة
رائع اتمنا لك التقدم والمذيد من الاعمال
شكرا ليك يا استاذ محمد, و انت فنان جدا بجد انت كمان والله و شغلك رائع, احنا اتفرجنا عليه كلو و ربنا يوفقك والله و ان شاء الله يكون فيه تعاون بينا.
تحفه بجــــــــد وقمه ف الشياكه وقمه الفن والزوق الراقى ربنا يوفقكوا ودايما ف تألق ان شاء الله ..
انا لالالالازم استعين بيكوا ف تجهيز شقتى وان شاء الله اكلمكو وقتها
اهلا بيكى يا استاذه ولاء, والله يا فندم شرفتينا اوى بالكومنت بتاع حضرتم و اسعدتينا اوى, دانتى لازم تاخدى خصم بقى لما تشرفينا ان شاء الله, ههههههههه
السلام عليكم كنت عايزة اعرف ممكن حد فيكم ينفذ الشغل ولا بنشترى بس ونجيب حد ينفذه لو فى الامكان ارجو الرد وشكرت
استاذه فاطمه اهلا بحضرتك, احنا مش فاهمين سؤال حضرتك بصراحه, يعنى تقصدى ايه بأن حضرتك تشتريه و حد تانى يجى ينفذه, بصى حضرتك, انتى بتشترى المنتج من عندنا, و على حسب نوعه بيتم التالى, لو تابلوه مودرن, او اكسسوارات, بيوصل لحد باب بيت حضرتك, لو حوائط مودرن او كلاسيك او ديكور مودرن, حد من عندنا بيجى ينفذه, و احنا تحت امر حضرتك, و شرفتينا يا فاطمه.
لو سمجت لو عايزة ارسم حيطة واحدة 3 متر تكلف اد اية ؟
اهلا بيكى يا استاذه سالى, احنا تحت امرك بس ممكن حضرتك تقوليلنا نوع الرسم او لو رسمه موجوده على موقعنا تقوليلنا انهى منتج لان السعر بيختلف حسب التصميم و نوع الرسم لو مودرن او كلاسيك, و شكرا على الزياره.
بجد شغل تحفة جدا واكتر من رائع إن شاء الله هتصل بيكم علشان تساعدونى فى ديكور شقتى
اهلا بيكى يا رودى, شرفتينا فى موقعنا و ان شاء الله يسعدنا التعامل معاكى و نعملك شغل تحفه اكتر منه.
لو حابب اعمل الرسمه دى على حيطه عندى فى ريسبشن ومساحتها 3 متر ممكن تتكلف كام
الاقسام: ديكور, حوائط مودرن , رومانسى , زهور ,
كود المنتج: SA2796
اهلا بحضرتك يا استاذ محمد, دى سعرها للمساحه دى هايكون 350 جنيه شامل كل حاجه. لو لوحدها, اما لو حضرتك هاتعمل شغل تانى فا فيه كلام فى موضوع السعر ده لانه بيعتمد على حاجات كتير.
نتواصل معاكم ازي
اهلا بحضرتك يا استاذ سامح, طرق التواصل معانا سهله جدا و متنوعه, ممكن حضرتك تتصل بينا على رقم 01158589856 او تراسلنا من خلال صفحه اتصل بنا من هنا
/contact
جميل اوى شغلكم ماشاء الله..بس انتوا مالكوش مكان ممكن نشوف فيه الاكسسوارات و التابلوهات على الطبيعة؟ شكرا 🙂
اهلا بحضرتك استاذه مها, حاليا احنا بنشتغل اون لاين بس مؤقتا, لكن لو عند حضرتك اى استفسارات او مخاوف من جوده منتجاتنا, ممكن تتصلى بينا و و نأكد لحضرتك ضمانات الجوده, و حضرتك كمان مابتدفعيش غير عند الاستلام, لو الحاجه مش عاجبه حضرتك بترجع تانى و مافيش اى مشكله. و تحت امرك.
بجد انا مش عارفه اشكركم ازاى شغلك تحفه وحلو اوى بجد الديكور بعد ماتنفذ شكله يجنن وكل اللى شافه بيقول مين الفنان اللهى عمله بجد انتوا شركه محترمه جدا وبتنفذ بدقه فعلا انا سعيدة جدا انى اتعملت معاكوا واكيد هيفضل بنا تعامل على طول لان دلوقتى فعلا بقا نادر ان الواحد يلاقى شركه عندها مصدقيه فى التنفيذ زيكوا بجد انا بشكركوا جدا ويارب دايما من نجاح لنجاج
اهلا بحضرتك استاذه هيام, نورتى موقعنا مره تانيه, احنا كنا سعداء جدا بالتعامل مع حضرتك و استاذ محمد و فعلا كانت من امتع الاوردرات اللى اشتغلنا فيها, و هاننزل شغل حضرتك قريب قوى على موقعنا و على الفيس بوك بس مع بدء الحمله الاعلانيه الجديده ان شاء الله خلال شهر واحد, و طبعا مش ناسيين هديه حضرتك ان شاء الله خلال الاسبوع ده برضه. و شكرا على رأيك و وقتك فى كتابه الكومنت.
ممكن ارقام تليفوناتكم
واسعار الرسوم على الحوائط تبدا من كام؟
اهلا بيكى يا استاذه اسماء, حضرتك ارقامنا 01158589856 و كل بيانات الاتصال بينا موضحه فى صفحه اتصل بنا, و الاسعار بتعتمد على حاجات كتير جدا, المساحه و التصميم. و احنا تحت امرك.
بجد شغلكم جميل ومبدع وان شاء الله هاتعامل معاكم بس بعد ماأشطب الشقة وانت بتشتغلوا فى فيصل؟
لو سمحت كنت عايزه اسأل انا عاحبني ديكور غرفة نوم فيه إضاءات و جيبسوم بورد بس انا الأوضه مدهونه و خالصه حيفع و لا لأ ؟
That’s really thnniikg of the highest order
I’m grateful you made the post. It’s cleared the air for me.
اهلا بحضرتك استاذه عبير, شرفتينا فى سفير ارت, ايوه يا فندم بنشتغل فى فيصل. و فى اى مكان كمان.
اهلا بيكى يا استاذه لمياء, ايوه يا فندم مافيش مشكله, احنا اصلا بننفذ الشغل ده بعد النقاشه و مش بنأثر على الشقه خالص. و تحت امرك ان شاء الله.
بجد يا جماعة انا مدير توكيل تركي في مصر الجديدة بس بجد انا فرحان ان في ناس بتعرف تعمل الشغل دة في مصر ربنا يوفقوا انشاء الله و كمان الاسعار حلوة اوي .
م, / هيثم فوزي.
اهلا بحضرتك و احنا سعداء بزياره حضرتك لينا هنا فى سفير ارت, و متشكرين جدا على رأى حضرتك الجميل فى شغلنا.
MY NUMBER 01141117477 IWONT CALL YOU BUT YOU DONT ANSWER YOUR PHONE CLOSE
Hi mr Mido, We called you today & you don’t answer too. we’ll call you again in 2 hours.
بجد تحفة جدا وربنا يوفقكوا وتكونو فى تقدم وابداع مستمر
متشكرين جدا ليك يا استاذ كريم. نورتنا بزيارتك والله.
بجد شغلكم جميل وتحفه ماشاء الله
شكرا لرأيك جدا يا استاذ سيد, نورتنا.
ليه مفيش ديكورات للكلاسيك لان بردوا فيه شقق كتييييييييييييييير ستيل او كلاسيك
اهلا بحضرتك استاذه هويدا, لأ طبعا يا فندم فيه, عندنا شغل كلاسيك كتير بس بنحاول نضيف الشغل كله مع الوقت و ان شاء الله قريب اوى هاتلاقى شغل كلاسيك, وعندنا فى الاقسام ده تابلوهات و حوائط و اسقف كلاسيك كتير جدا,
http://beta.saferart.com/decor/classic/
http://beta.saferart.com/decor/classic-walls/
هو حضرتك انا عندى مساحة شقتى الرسيبشن9.50*3.41 والحجرة الكبيرة 4.00*3.50 وحجرة الاطفال 3.75*3.35 ولسة ع الطوب الاحمر لو انا عايزة حضراتكم تعملولى ديكورات فيها هيكون حضرتك بتشترى الخامات ال هتشتغل فيها ولا حضراتكم بتستلمة الحيطة ع المحارة وانتو بتشتغلة فيها
انا بعمل شقتي وكنت محتاجه ديكورات مودرن بس انا كنت عوزه اشوف الحاجات اكتر من كده
اهلا بحضرتك استاذه هبه, احنا مابنشتغلش للأسف فى التشطيبات خالص, ولا النقاشه, احنا بنشتغل فى التابلوهات و الحوائط و الاكسسوارات و كل الشغل ده بنعمله بعد النقاشه.
المهندسه ايمان, اهلا بيكى معانا, حضرتك ممكن تتصلى بينا على 01158589856 و ننسق مع حضرتك اللى ممكن حضرتك تحتاجيه و احنا تحت امرك.
اعمال فنية جميلة جدااااااااااااا وانا سعيد انى بشوف الفن الراقى ده فى مصر واتمنى ليكم ان شاء الله مستقبل جيد بامر الله
شكرا لحضرتك جدا يا استاذ احمد و احنا اللى سعداء والله بتعليق حضرتك.
دلوقتى انا عندى حائط 3*2.5 و محتاج التصميم SA 2238
يا ترى تكلفته كام ؟
اهلا بحضرتك مهندس رامى, ده يا فندم سعره هايكون 400 جنيه, و حضرتك علشان تقدر توصلنا اسرع, ممكن تعمل كومنت على صفحه المنتج نفسه او تتصل بينا. و شكرا على زياره حضرتك.
400 والا 4000 جنيه ؟؟؟ انا بتكلم على التكلفة الكلية بعد معرفة المساحة المذكورة فى الكومنت السابق
اهلا بحضرتك يا مهندس رامى, زى ما قلت لحضرتك التكلفه الكليه بالخامات, 400 جنيه, و من الافضل ان حضرتك تكلم المكتب علشان لو عند حضرتك اى استفسارات او عاوز تعرف او تتأكد من اى حاجه, و تحت امرك.
بجد اعمالكم تحفه وانا ناويه اطلب كذا حاجه بس كان عند استفسار ؟
انا لو عاوزه تابلوه معين هو سعره جنيه انا عاوزه واحد زيه بس مساحته اقل ويكون سعره300 جنيه ينفع ولا لا
اهلا بحضرتك يا فندم, حضرتك لازم نعرف انهى تابلوه, لأن فيه تابلوهات هاتفرق فى السعر لو صغرت و فيه تابلوهات سعرها مش بيقل,
فا ياريت حضرتك تحدديلنا انهى تابلوه اللى حضرتك تقصديه و كمان هايصغر قد ايه؟ ممكن تعملى كومنت على صفحه التابلوه نفسه.
انا كنت عايز اسال حضرتك لو عايز اعمل التصميم SA2362 فى السقف عندى مع العلم ان مساحته 4*4 يا ترى تبقى التكلفة الكلية كام ؟؟؟؟ و شكرا
اهلا بحضرتك مهندس رامى, ممكن حضرتك تتصل بينا او تبعتلنا رقمك من خلال صفحه اتصل بنا و حد من المكتب هايبلغ حضرتك بكل التفاصيل, شكرا على زيارتك.
ماشاء الله تبارك الله اعجبني الشغل كثير وأنا رجل أعمال صاحب مجموهة مقاولات وديكورات وتشطيبات كامله بالسعوديه أذا مافي مشكله أستورد من منتجاتكم بجميعها وقريبا بنزل مصر ارجوا اتصالكم اذا ليس عندكم مانع لتطوير الشغل والله الموفق
اهلا بحضرتك يا فندم, شرفتنا فى سفير ارت, احنا ردينا على حضرتك على البريد الالكترونى.
انا عندى استفسار.. هى الرسومات دى انتو بتعملوها بعد النقاشة ولا بتاخدوها مقاولة وبتبعتو نقاش ورسام.. ارجو التوضيح
استاذه ساره, لأ للاسف ماعندناش نقاش, احنا بنعمل الرسم ده بعد النقاشه ما تخلص تماما. يعنى اخر حاجه فى الشقه عند حضرتك بتتعمل الرسم ده., و بالنسبه للكرانيش, لأ للأسف.
عاوزة اعرف كمان لو عندكو حد بيفضض ويبتن الكرانيش وشغل الجبس .
متشكرة اوى للتوضيح
بجد بجد انتم رائعون جدا اعمالكم راقيه بسيطة مذهلة فى الشغل العربى الاصيل بجد الواحد يفتخر باقتنائه احدى تحفكم و عجبت بنتى ملك كذلك شغل رائع ربنا يوفقكم كمان و كمان
اهلا بحضرتك يا ام ملك و هنا, شرفتينا يا فندم فى سفير ارت,
احنا متشكرين جدا على راى حضراك و بنشكر ملك و هنا و ربنا يخليهوملك يا رب ان شاء الله.
تحفه جدااااا وخاصة التابلوه المودرن الاسلامي بجد جمييييل جدا لان معظم المودرن حاجات اوروبيه وطبعا مش متوفر فيها الطابع الاسلامي
كنت عايزه اعرف ازاي اطلب تابلوه وهل ممكن ابعت صورة الشقه وهي متشطبه وتقترحوا عليا ديكورات؟
ا/ولاء,اهلا بحضرتك يا فندم معانا, نورتينا يا فندم فى سفير ارت, شكرا على راى حضرتك, حضرتك ممكن تعملى اوردر من خلال اللينك اللى موجود فى صفحه كل منتج “اشترى الان” او ممكن حضرتك تتصلى على 01158589856 و تحت امر حضرتك ان شاء الله فى اى حاجه.
دلوقتى انا بشطب وعايزة اعرف كل حاجة تخص الرسم على الجدران وهل انا المفروض اخلص دهان الشقة واخلية سادة بحيث انتوا تيجوا تشتغلوا علطول وعايزة اعرف التفاصيل لانى تاية بجد لان شغلكوا حلو جدا
اهلا بحضرتك يا مدام شيرى, شرفتينا يا فندم, ايوه حضرتك يافندم بتخلشى الشقه خالص و انا بنشتغل بعد ما النقاش يخلص كمان كل شغله, لو حضرتك عاوزه تعرفى معلومات مفصله ياريت حضرتك تشرفينا بالاتصال على 01158589856 و تحت امرك.
الرسم تحفة جدابس الكلاسك مش كتير
اهلا بحضرتك استاذه سمر, شكرا على رأى حضرتك و ان شاء الله نضيف كلاسيك قريب جدا
لو سمحت كنت عاوزة اعرف اسعار رسم حائط مودرن 3*2 لكود 2793 ورسمة لكود2460
أنا طالبة بكلية الفنون التطبيقية قسم الديكور والتصميم الداخلى و معجبة بأعمالكم جدا ما شاء الله
شكرا لحضرتك استاذه menna, و ربنا يوفقك ان شاء الله.
لو سمحت رد عليا بشان الاسعار
استاذه سمر, اهلا بيكى يا فندم, الحوائط المودرن بتبدأ من 500 جنيه يا فندم.
فعلا تستحقو التميز اسعار جيدة ديكورات مختلفة وجميلة الي الامام دائما وانشاء الله هيكون في تعامل بنا قريب جدا
على فكره انا مبهوور بشغلكم جدا وانا الحين باجهز جاليرى ومحتاج شغل جمله هل هتفدونى فى الاسعار وهل يوجد معرض لمنتجاتكم وشكرا ت/ 01275516359
استاذ احمد, شرفتنا بكومنت حضرتك يا فندم و ان شاء الله نتشرف بحضرتك قريب جدا يا فندم.
اهلا بحضرتك استاذ حلمى, تحت امرك يا فندم و احنا هانتصل بحضرتك قريب اوى ان شاء االله.
السلام عليكم ماشاء الله تبارك الله اشاهد اعمالكمالان وانامنبهرة بصراحة،، مش عارفة اختار ايه ولا ايه الافكار اللي في راسي كانما اريدها بالضبط لديكم– بإذن الله تعالى أستعين بكم في تجهيز شقتي قريبا جدا وبإذن الله أتواصل معكم تليفونيا للاستفسارات جزاكم الله خيرا
اهلا بحضرتك استاذه شيماء, اتشرفنا بزياره حضرتك يا فندم و تحت امرك يا فندم ان شاء الله.
لي استفسار من فضلك حتى أنتهي من تجهيزالمراحلل الاولية من الشقة،، أولا هل يصلح عمل جداراية للسقف كلاسيك بألوان هادئةويكون في (سرة جبس) في وسط السقف لن هناك سرر فعليا،،، والاستفسار الثاني كم يتكلف رسم جدارية طبيعية كمنظر الشباك أو البلكونة المطل على الحديقة او البحر لحائط تقريبا عرضه 2 متر وارتفاعه تقريبا 3 متر؟؟ أرجو أن أجد الجواب مشكورين وجزاكمالله خيرا
اهلا بحضرتك دكتوره شيماء, شرفتينا يا فندم فى سفير ارت, بالنسبه للسؤال الاول, ممكن يا فندم بس ماتكونش السره الجبس كبيره, و تانى سؤال, ده بيعتمد على الديزاين نفسه, بس عامه المتر بيبدأ من 200 جنيه و حد ادنى 10 متر, يعنى المنظر يبدأ من 2000 جنيه تقريبا.
السلام عليكم– متشكرة جدا لحضراتكم على الرد وبكده ساعدتوني احدد بجد انه كده مش هينفع في المكان اللي كنت عاوزو اعمل فيه وان دا محتاج تغيير للخطة 🙂 بجد متشكرة ليكم وجزاكم الله خيرا وباذنالله اراسلكم قريبا لطلب تابلوهات وساعات ان شاء الله
عندى اوضة فى الشقة مقفولة من فترة انا عايزة ادهنها كلها وارسم حيطة فيها بطريقة الرسم هى 4م* 4,5 ممكن اعرف تقريبا التكلفة هاتكون فى حدود كام
اهلا بحضرتك سمسمه, الرسم للمساحه دى يا فندم هايكلف حضرتك حوالى 500 جنيه, لكن احنا مابنشتغلش فى الدهانات, حضرتك بتجهزيها دهان و احنا بنرسم فقط, و تحت امرك يا فندم.
لو سمحت أخي العزيز هل الشركة بتشتغل فرم جبسية وشغل معلق في السقف
اهلا بحضرتك معانا استاد محمد زيد,
للأسف يا فندم مابنشتغلش فى الجبسيوم بورد او اعمال معلقه.
تسلم ايديكم على الشغل الروووعه وكنت اتمنى ان تضعوا تصميمات اخرى لمرايات الحمامات وان تكون اعمالكم شامله ايضا كل ما يخص اعمال الديكور المودرن من وحدات اضاءة وترابيزات وسجاد وتحف مودرن وبالتوفيق وللامام دائما ان شاء الله …
ماشاء الله شغلكم رائع بالتوفيق والى الامام
كان عندى استفسار :
ممكن تعمل الشغل ده فى شقه فى الإسكندرية
وهل لو أنا عندى شكل ديكور معين ممكن تنفزهولى
وشكرا جزيلا
السلام عليكم شكرا علي الاعمال الرائعة كنت حابب استفسر علي سؤال انا اقيم في الشرقية وعايز اعمل رسم حائط واشتري طبلوهات ممكن ولا شغلكم في القاهرة فقط وشكرا
اهلاح بحضرتك استاذ احمد بدوى, مافيش مانع يا فندم, تحت امرك, ممكن حضرتك تكلمنا على 01158589856 علشان تعرف تفاصيل اكتر.
Ana law 3ande 7eta 9 metres we 7aba a3melaha rasma bs tb2a men al genab bs ya3ne msh kol al 7eta yb2a sa3rah kam we moder
الحوائط المودرن يا فندم بتبدأ من 500 جنيه, و تحت امرك يا فندم.
عايز اعرف سعر ديكور حائط تلفزيون مودرن, رسم ورود و فراشات متوفر بكل الالوان , SA2796
ولو هعمل منه او اشكالة الشبيه له ثلاث ثلاث حوائط ممكن حضرتك يكلفوا كام
وهل عليهم اى discount حاليا
اهلا بحضرتك استاذ عبد الرحمن, بالنسبه للرسم الكلاسيك الحائط الواحد بيتكلف 500 جنيه, لو حضرتك هاتعمل 4 حوائط ممكن الاربعه يبقى عليهم 25% خصم, و تحت امرك يا فندم.
شغل جميل واسعار حلوة كنت عايزةاسأل لو فى فروع فى اسكندرية او ممكن اطلب الحاجات ازاى
اهلا بحضرتك استاذه ام مازن, لأ يا فندم مالناش فروع لكن حضرتك ممكن تعملى الاوردر عن طريق الاتصال على 01158589856 و تحت امرك يا فندم.
اولا: بجد انا فخورة بيكم جداااااااااااا ومبسوطه اوى ان الشغل ده مصرى اصيل بيكم
ثانيا:انا بقترح انكم تدخلوا شغل الاسقف المعلقه لانى اكيده انه هايطلع بمستوى عالى وانا هابتدى ان شاء الله ف شقتى ولما اخلصها اكيد اكيد هاستعين بيكم وبالتوفيق
استاذه بسمله, اهلا بحضرتك يا فندم و شرفتينا جدا جدا بتعليق حضرتك و سعداء جدا برأيك و تحيه من فريق العمل كله ليكى و يشرفنا التعامل معاكى يا فندم.
بجد رائع حافظوا على التقدم و اعطأ الجديد
ان شاء الله يا فندم.
ما شاء الله الشغل في غايه الروعه وباذن الله هنتعامل مع بعض قريب
شئ يشرفنا يا فندم اعجاب حضرتك بالشغل و نتشرف بالتعامل مع حضرتك قريب جدا يا فندم.